𝐉𝐄𝐏𝐄𝐓 𝐂𝐄𝐑𝐓𝐈𝐅𝐈𝐊𝐀𝐓𝐀 𝐄 𝐏𝐀𝐑𝐄, 𝐏𝐀𝐒 𝟑𝟎 𝐕𝐈𝐓𝐄𝐒𝐇, 𝐏𝐄𝐑 𝐊𝐔𝐐𝐀𝐑, 𝐅𝐈𝐄𝐑, 𝐁𝐀𝐒𝐇𝐊𝐈𝐀 𝐏𝐀𝐓𝐎𝐒

Vijon procesi i certifikimit të tokës bujqësore.
Regjistrohen 990 parcela ullishte në Kuqar.
Përgatitet VKM për certifikimin e familjeve me gabine në dokumentat e vitit 1991
Kuqari është një prej fshatrave të Patosit, i cili e mbështet ekonominë e tij kryesisht mbi kulturën e ullirit për prodhim vaji. Por pavarësisht kësaj, ullishtat e shtrira në kodrat e kësaj zone kondrinore, vijonin që prej vitit 1991 të ishin të paregjistruara, duke mbartur edhe një numër konfkliktesh që të asaj kohe midis vetë fermerëve për mënyrën e ndarjes së tokës.
Pas një pune një vjeçare të Kadastyrës Shqiptare më në fund u arrit të kryhej e gjithë kjo punë, e cila më në fund i hapi rrugë certifikimit të 990 parcelave bujqësore të këtij fshati.
Artan Lame, drejtori i Përgjithshëm i Kadastrës, deputetja Antoneta Dhima si dhe kryetarja e Bashkisë Patos, Rajmonda Balilaj, ishin në Kuqar për të dorëzuar certifikatat e para të pronësisë, të përfituara me ligjin 7501.
Gjithashtu kryerja e regjistrimit fillestar në këtë zone, i hapi rrugë edhe regjistrimit të shtëpive të vjetra, që është një nga proceset më problematikë të trashëguara në fshatrat shqiptare.
Drejtori Lame diskutoi me fermerët e zonës edhe për një prej problemeve të trashëguara që kanë lidhje me mënyrën e ndarjes së tokës në vitet 1991-92 ku, nga komisionet e asaj kohe në disa raste ju jepej tokë me dokument të veçantë anëtarëve të ndryshëm të të njëjtës familje bujqësore, gjë që ishte në kundërshtim me ligjin aso kohe. Lame theksoi se: “Ky është tashmë një problem i njohur edhe për raste të tjera në Shqipëri dhe, për këtë, faji ka qenë i komisioneve të asaj kohe që, kryesisht për arsye mosnjohjeje të ligjit kanë vepruar kështu. Veçanërisht i dukshëm rezulton ky fenomen në zonat bujqësore të Qarkut Fier dhe në Mat. Për ti dhënë zgjidhje këtij procesi, tashmë nga Kadastra është gjetur zgjidhja teknike, të cilës po i jepet forma ligjore dhe së shpejti do të kalojë në Qeveri për miratim”.
Kryetarja e Bashkisë Patos nga ana e saj diskutoi mpër të mundësuar aksesin e të gjithë qytetarëve për të aplikuar në e-albania. Për këtë ajo deklaroi që: do të mundësojmë një sportel në Bashki ku qytetarët që nuk kanë munsdësi të mund të aplikojnë për tërheqjen e certificates.
Ndërsa Deputetja e zonës Antoneta Dhima, se falë azhornimit në Kuqar, tashmë mund të aplikohet për regjistrimin e certifikatës së pronës. “Tashmë me hedhjen e pronave në system, ju do të pajseni me certifikatë pronësie, që ta përdorni për të marrë një kredi apo për të investuar mbi pronën tuaj”, tha Dhima.


𝐋𝐚𝐣𝐦 𝐢 𝐃𝐚𝐭𝐞𝐬 𝟑𝟏 𝐊𝐨𝐫𝐫𝐢𝐤 𝟐𝟎𝟐𝟐

Ju sugjerojmë të lexoni edhe: