DREJTORIA E PËRGJITHSHME
SHPALLJE KONKURIMI I HAPUR PËR VENDET VAKANTE PRANË AGJENCISË SHTETËRORE TË KADASTRËS
Datë 09.08.2021
Në mbështetje të ligjit nr. 7961, datë 12.07.1995 “Kodi i Punës i Republikës së Shqipërisë", i ndryshuar , ligjit 111/2018 “Për Kadastrën”, neni 11, Agjencia Shtetërore e Kadastrës, shpall konkurimin për pozicionet vakante, si më poshtë:
-
Në Drejtorinë Vendore të ASHK-së Vlorë
Zëvëndës Drejtor (1); në profilet: gjeodezi, inxhinieri, drejtësi, ekonomi, administrimi publik, Kategoria: III-b. Niveli minimal i diplomës "Master Shkencor".
Përgjegjës Sektori (2); në profilet: Gjeodezi; Inxhinieri Ndërtimi; Arkitekturë; Urbanistikë; Jurist; Kategoria: III-b. Niveli minimal i diplomës "Master Shkencor".
Përgjegjës Sektori (1), në profili: Jurist; Kategoria: III-b. Niveli minimal i diplomës "Master Shkencor”.
Specialist (1), në profilet: Gjeodezi; Inxhinieri Ndërtimi; Arkitekturë; Urbanistikë; Gjeoinformatikë; Kategoria: IV-b. Niveli minimal i diplomës "Bachelor".
-
- Në Zyrën Vendore të ASHK-së Himarë:
Specialist (1), në profilin: Jurist Kategoria: IV-b. Niveli minimal i diplomës "Bachelor".
Specialist (1), në profilet: Gjeodezi; Inxhinieri Ndërtimi; Arkitekturë; Urbanistikë; Gjeoinformatikë, Kategoria: IV-b. Niveli minimal i diplomës "Bachelor".
-
- Në Drejtorinë Vendore të ASHK-së Tepelenë
Specialist (1), në profilet: Gjeodezi; Inxhinieri Ndërtimi; Arkitekturë; Urbanistikë; Gjeoinformatikë, Jurist, Kategoria: IV-b. Niveli minimal i diplomës "Bachelor".
-
- Kushtet që duhet të plotësojë kandidatët:
Kandidatët duhet të plotësojnë kërkesat e përgjithshme, të përcaktuara në legjislacionin e shërbimit civil sipas ligjit 152/2013 “Për nëpunësin civil”, i ndryshuar.
Kandidatët duhet të plotësojnë kërkesat e posaçme, si vijon:
- Për pozicionet “Drejtor” duhet të zotërojnë diplomë të Arsimit të Lartë, nivelit minimal “Master Shkencor “, në profilin e kërkuar dhe, të kenë të paktën 3 (tre) vite përvojë pune në profesion në organet e administratës shtetërore. (Diplomat, të cilat janë marrë jashtë vendit, duhet të jenë njohur paraprakisht pranë Institucionit përgjegjës për njehsimin e diplomave, sipas legjislacionit në fuqi);
- Të mos kenë masë largim nga puna në fuqi dhe të mos kenë, masë disiplinore në fuqi (për shkelje të rënda në kryerjen e detyrës).
- Të ketë aftësi të mira analitike si dhe përgjegjshmëri të lartë;
- Të ketë aftësi shumë të mira komunikimi dhe prezantimi;
- Të ketë aftësi të punës në grup;
- Të ketë aftësi për të respektuar afatet;
- Të ketë njohuri të programeve kompjuterike;
- Të kenë njohuri të gjuhës angleze ose të një gjuhe tjetër të BE-së.
- Preferohet të kenë trajnime apo kualifikime në fushën përkatëse.
- Dokumentacioni, mënyra dhe afati i dorëzimit.
Kandidatët duhet të dorëzojnë dokumentacionin, si më poshtë:
- Kërkesë/letër interesi, për pozicionin për të cilin është i interesuar kandidati.
- Jetëshkrim (CV)
- Fotokopje të diplomës dhe listës së notave (përfshirë edhe diplomën Bachelor). Për diplomat e marra jashtë Republikës së Shqipërisë të përcillet njehsimi nga Ministria e Arsimit;
- Fotokopje të librezës së punës (të gjitha faqet që vërtetojnë eksperiencën në punë);
- Fotokopje të letërnjoftimit (ID);
- Çertifikatë familjare
- Vërtetim të gjendjes shëndetësore,
- Vërtetim nga prokuroria (që nuk është aktualisht në proces në proces hetimi),
- Vërtetim nga gjykata (që nuk është në proces gjyqësor).
- Vërtetim të gjendjes gjyqësore/ Formular i vetëdeklarimit të gjendjes gjyqësore
- Formularin e dekriminalizimit
- Vërtetim që nuk ka, masë disiplinore në fuqi (për shkelje të rënda në kryerjen e detyrës).
- Referenca (vleresime) të punëdhënësve të mëparshëm
- Adresën e saktë te vendbanimit, email dhe kontakt telefonik.
- Çdo dokumentacion tjetër që vërteton trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin tuaj;
- Dokumentacioni i përcaktuar në pikat “g”, “h”, “i” dhe “j” duhet të jetë lëshuar jo më parë se 3 muaj nga momenti i aplikimit.
- Shpallja e rezultateve të konkurimit
Të gjithë kandidatët pjesëmarrës në këtë procedurë do të njoftohen për rezultatet (nëpërmjet adresës së e-mail të paraqitur ne dokumentacionin e aplikimit).
*Për detaje ju lutem klikoni për të parë dokumentin e mëposhtëm.