Programi i Transparences

• 
  Struktura organizative / Organigrama
  

• Ligji Nr. 35/2023 “Për kompetencat për caktimin e pagave, trajtimeve të tjera financiare dhe përfitimeve të të punësuarve në institucionet e administratës publike,si dhe për pagën bazë minimale në shkallë vendi.”
• Vendimi i Këshillit të Ministrave Nr. 322, datë 31.05.2023 “Për miratimin e strukturës së pagave dhe të niveleve të pagave…” i ndryshuar me VKM Nr. 483 datë 24.07.2025 dhe VKM Nr. 534, datë 12.08.2024.

ASHK, në përmbushje të detyrimeve të parashikuara në Ligjin Nr. 111/2018 “Për Kadastrën” dhe Nr. 20/2020 “Për përfundimin e proceseve kalimtare të pronësisë në Republikën e Shqipërisë”, si dhe në aktet nënligjore në zbatim të tyre, ka këto detyra dhe ushtron këto funksione:

• a) Organizimin e regjimit kadastral;
• b) Regjistrimin e pronave të paluajtshme private, shtetërore dhe publike, si dhe të të drejtave reale mbi to;
• c) Regjistrimin fillestar të pasurive të paluajtshme dhe përmirësimin e regjistrit të pasurive të paluajtshme;
• d) Regjistrimin e titujve të pronësisë mbi tokën bujqësore;
• e) Përfundimin e procesit të kalimit në pronësi, pa shpërblim, të përdoruesve të tokave bujqësore të ish-kooperativave dhe ish-ndërmarrjeve bujqësore;
• f) Inventarizimin e pronave të paluajtshme të shtetit, përditësimin e inventarëve të pronave të paluajtshme të pushtetit qendror dhe atyre që transferohen në pronësi të njësive të vetëqeverisjes vendore, si dhe regjistrimin përfundimtar të këtyre pasurive në regjistrin publik;
• g) Legalizimin e ndërtimeve pa leje dhe regjistrimin në regjistrin publik të pasurive të paluajtshme, të ndërtimeve pa leje, objekteve dhe trojeve funksionale, si dhe oborreve në përdorim;
• h) Rregullimin e marrëdhënieve të pronësisë në territoret e cilësuara si “zona të stimuluara me përparësi zhvillimin e turizmit”;
• i) Trajtimin e mbivendosjeve dhe problemeve të krijuara si pasojë e gabimeve materiale, parregullsive në zbatimin e ligjit apo mosveprimit të organeve shtetërore në fushën e pronësisë mbi pasuritë e paluajtshme;
• j) Përfundimin e procedurave të kalimit në pronësi për trojet e paprivatizuara të ndërtesave të privatizuara sipas Ligjit Nr. 7512/1991, trojeve të paprivatizuara të ndërtesave të shitura nga ndërmarrjet shtetërore përpara hyrjes në fuqi të këtij ligji, trojeve të paprivatizuara mbi të cilat janë ngritur ndërtesa në bazë të lejeve të ndërtimit të lëshuara nga organet e qeverisjes vendore pas datës 10.08.1991, si dhe trojet e objekteve apo ndërtesat ish-pronë e ish-kooperativave bujqësore, shitja e të cilave është realizuar nga ish-kooperativat bujqësore apo organet e qeverisjes vendore.
• CV-të dhe pagat e nënpunësve që janë subjekt deklarimi sipas ligjit

Këshilli Drejtues i ASHK ushtron veprimtarinë bazuar në Ligjin Nr. 111/2018, “Për Kadastrën”, VKM “Për përcaktimin e rregullave të funksionimit të Këshillit Drejtues të ASHK dhe për masën e shpërblimit për veprimtarinë e anëtarëve”, si dhe legjislacionin në fuqi.

• Përbëhet nga 7 anëtarë, të cilët emërohen dhe shkarkohen nga Këshilli i Ministrave;
• Këshilli Drejtues mblidhet, si rregull, çdo muaj, si dhe sa herë që kërkohet nga Drejtori i Përgjithshëm i ASHK-së, sipas nevojave të Agjencisë;
• Mbledhja e Këshillit Drejtues është e vlefshme nëse në të janë të pranishëm të paktën katër anëtarë;
• Mbledhja e Këshillit Drejtues të ASHK-së drejtohet nga kryetari dhe, në rast mungese të tij, nga anëtari më i vjetër në moshë;
• Vendimet merren me shumicë të thjeshtë të anëtarëve të pranishëm. Në rastet kur nga votimi nuk arrihet shumica, vendimmarrja përcaktohet nga vota e kryetarit;
• Këshilli Drejtues, gjatë ushtrimit të veprimtarisë së tij, asistohet nga sekretariati teknik, i përbërë nga 3 (tre) punonjës të ASHK-së, të caktuar nga Drejtori i Përgjithshëm;

Mandati i anëtarit të Këshillit Drejtues të ASHK-së mbaron:

• a) Kur jep dorëheqjen;
• b) Kur përfundon mandati 4-vjeçar i qëndrimit në detyrë;
• c) Kur mbush moshën e pensionit;
• ç) Në rast vdekjeje të tij.

Rastet e shkarkimit të anëtarëve të Këshillit Drejtues janë:

• a) Kur ndërpret marrëdhëniet e punës me institucionin që përfaqëson;
• b) Kur zëvendësohet, sipas diskrecionit të institucionit propozues dhe të Këshillit të Ministrave;
• c) Kur dënohet me vendim penal të formës së prerë;
• ç) Kur bëhet i paaftë mendërisht ose fizikisht për të ushtruar detyrën;
• d) Kur nuk merr pjesë në mbledhjet e Këshillit Drejtues më shumë se 3 herë radhazi;
• dh) Kur me veprimet e tij dëmton veprimtarinë e Këshillit Drejtues.

Çdo subjekt gëzon të drejtën e aksesit në informacionin publik, si dhe të paraqitjes së një kërkese apo ankese pranë autoriteteve publike, në përputhje me legjislacionin në fuqi.

• Adresa: Rruga “Dora D’Istria”, Nr. 2, Tiranë, Shqipëri
• E-mail: [email protected]

Vendimmarrjet e Agjencisë Shtetërore të Kadastrës janë të parashikuara në ligj dhe zhvillohen në përputhje me nenet e mëposhtme, kryesisht përfshijnë: vendimmarrje për proceset kalimtare të pronësisë, legalizim i oborreve në përdorim, toka bujqësore, etj.

• Vendime që merren nga Drejtoria e Përgjithshme: Neni 12, 46, 47, 65 i ligjit nr.111/2018 “Për Kadastrën”; Neni 66 i ligjit nr.20/2020 “Për përfundimin e proceseve kalimtare të pronësisë në Republikën e Shqipërisë”.
• Vendime që merren nga drejtoritë vendore: Neni 8,14, 18, 33, 34, 49, 52, 63, i ligjit nr.20/2020 “Për përfundimin e proceseve kalimtare të pronësisë në Republikën e Shqipërisë”; Neni 24, 50 i ligjit nr. 111/2018 “Për Kadastrën”.