Me Vendimin e Këshillit të Ministrave nr. 4, datë 15.01.2026, janë miratuar procedurat e reja për kalimin në pronësi të truallit shtetëror që është në përdorim, në zbatim të nenit 63 të ligjit nr. 20/2020.
Përmes këtij vendimi përfitojnë qytetarët të cilët:
Janë pronarë të ndërtesave të privatizuara nga Agjencia Kombëtare e Privatizimit, ish-ndërmarrjet shtetërore apo ish-kooperativat bujqësore; (sipas ligjit 7512/1991) Janë pronarë të ndërtesave të pajisura me leje ndërtimi nga njësitë e vetëqeverisjes vendore; Kanë mungesë dokumentacioni, mospërputhje sipërfaqesh apo ndërtime të tjera të lidhura me objektin; (sipas ligjit 7512/1991) Përdorin truall shtetëror që ka qenë më parë në administrim të institucioneve qendrore ose vendore; (sipas ligjit 7512/1991)Të gjithë qytetarët e përfshirë në kategoritë e mësipërme dhe që plotësojnë kriteret e përcaktuara në këtë VKM, mund të përfitojnë kalimin në pronësi të truallit mbi të cilin është ndërtuar objekti, duke garantuar kështu siguri juridike mbi pronën.
Kalimi i truallit në pronësi përmes kësaj procedure ofrohet pa pagesë për të gjitha banesat.
Aplikimi për përfitimin e shërbimit do të kryhet online përmes portalit e-Albania. Ju mund të konsultoni në çdo kohë vendimin e publikuar në faqen tonë zyrtare në internet për t’u informuar me detaje mbi procesin
