Po vijojmë me përmirësimin e shërbimeve në funksion të qytetarëve, duke ofruar tashmë 10 shërbime kadastrale të automatizuara, të cilat përpunohen drejtpërdrejt nga sistemi, pa ndërhyrje njerëzore.
Këto shërbime janë të disponueshme për të gjitha pasuritë e digjitalizuara dhe të përfshira në teknologjinë blockchain, duke garantuar shpejtësi, transparencë dhe siguri të lartë të të dhënave.
Si funksionon procesi?
Pasi qytetari aplikon për shërbimin përkatës në portalin e-Albania dhe kryen pagesën, aplikimi trajtohet automatikisht nga sistemi. Dokumenti i kërkuar gjenerohet dhe vihet në dispozicion të aplikuesit me vulë digjitale, në seksionin “Dokumentat e mia”.
Lista e shërbimeve të automatizuara
- Lëshim kopje të fragmentit të hartës kadastrale
- Lëshim kopje kartele të pasurisë
- Lëshimi i një certifikate të re në rast humbjeje apo dëmtimi
- Konsultim i kartelës së pasurisë së paluajtshme
- Verifikimi online i gjendjes juridike të pronësisë dhe të dhënave të tjera të pasurisë
- Lëshim vërtetimesh (negativ/pozitiv)
- Lëshim vërtetimesh (negativ/pozitiv) për gjithë territorin e Shqipërisë
- Lëshim vërtetimi për mungesë transaksionesh për tjetërsim pronësie në 5 vitet e fundit (për drejtori)
- Lëshim vërtetimi për mungesë transaksionesh për tjetërsim pronësie në 5 vitet e fundit (për gjithë territorin)
- Lëshim kopje të vërtetuara të dokumenteve tekniko-ligjore mbi të cilat bazohet regjistri i pasurive të paluajtshme
